இந்தியாவின் பொதுத்துறை வங்கியான ஸ்டேட் பேங்க் ஆப் இந்தியா (STATE BANK OF INDIA) தனது வாடிக்கையாளர்களுக்கு முக்கிய எச்சரிக்கை அறிவிப்பு ஒன்றை வெளியிட்டுள்ளது. தற்போதைய காலத்தில் மக்கள் டிஜிட்டல் முறையில் பணப் பரிமாற்றம் செய்து வருகின்றனர். அதே நேரத்தில் மோசடி சம்பவங்களும் நடக்கின்றன. இந்த நிலையில் கடந்த சில ஆண்டுகளில் வெகுமதி புள்ளி (Reward Point) என்ற பெயரில் ஒரு புதிய மோசடி உருவாகியுள்ளது. இது குறித்து வாடிக்கையாளர்கள் கவனமாக இருக்குமாறு எஸ்பிஐ வங்கி கேட்டுக் கொண்டுள்ளது. அதாவது எஸ்பிஐ வங்கி ஒருபோதும் மின்னஞ்சல்/ அழைப்பு/ இணைப்புகள் அல்லது கோரப்படாத APKகளை எஸ்எம்எஸ் அல்லது வாட்ஸ்ஆப் மூலம் அனுப்புவதில்லை என்றும், எஸ்எம்எஸ் அல்லது வாட்ஸ்ஆப் மூலம் அனுப்பப்படும் எந்த இணைப்புகளையும் கிளிக் செய்ய வேண்டாம் என்றும், எந்த விண்ணப்பங்களையும், கோப்புகளையும் டவுன்லோடு செய்ய வேண்டாம், பாதுகாப்பாக இருங்கள் என்றும் வாடிக்கையாளர்களுக்கு வங்கி எச்சரிக்கை விடுத்துள்ளது.
*எஸ்பிஐ வங்கி தனது X தளத்தில் இதுகுறித்து எச்சரிக்கை செய்து பதிவு ஒன்றை வெளியிட்டுள்ளது. அதில், ரிவார்டு புள்ளிகளைப் பெறுவதற்காக சைபர் குற்றவாளிகள் வாடிக்கையாளர்களுக்கு போலியான செயலி இணைப்புகளை அனுப்புவதாகப் பதிவிட்டுள்ளது. பொதுவாகவே வாட்ஸ்அப் மூலம் வங்கி ஒருபோதும் செய்திகளையோ இணைப்புகளையோ அனுப்புவதில்லை. எஸ்பிஐ வங்கி அதன் வாடிக்கையாளர்களை எந்த இணைப்பையும் கிளிக் செய்வதையோ அல்லது செய்தியின் மூலம் எந்த விண்ணப்பம் அல்லது கோப்புகளை பதிவிறக்கம் செய்வதையோ தவிர்க்குமாறு கேட்டுக் கொண்டுள்ளது. ஸ்டேட் பேங்க் ஆப் இந்தியா தனது வாடிக்கையாளர்களுக்கு அவர்களின் பல வங்கி சேனல்களில் பணம் செலுத்துவதற்கு வெகுமதி புள்ளிகளை (SBI REWARDS) வழங்குகிறது.
SBI வழங்கும் ஒவ்வொரு பரிசும் 25 பைசா மதிப்புடையது. பல பயனர்கள் பல மாதங்களுக்கு வெகுமதி புள்ளிகளைப் பெறுவதில்லை. ஹேக்கர்கள் அதைப் பயன்படுத்திக் கொள்கிறார்கள். அவர்கள் இணைய வெகு
மதி புள்ளிகளை ரீடீம் செய்ய போலி இணைப்புகளை அனுப்புகிறார்கள். அவர்கள் இந்த வழியில் ஒன்றும் அறியாத மக்களை மோசடிக்கு இரையாக்குகிறார்கள். எனவே இந்த விஷயத்தில் கவனமுடன் இருக்கும்படி எச்சரிக்கப்பட்டுள்ளது. மோசடியை உடனடியாக 1930 என்ற சைபர் கிரைம் எண்ணுக்கு புகார் அளிக்கலாம் அல்லது https://cybercime.gov.in/ இல் உள்ள தேசிய சைபர் கிரைம் போர்ட்டலில் புகார் அளிக்கலாம்.எஸ்பிஐயிடம் இருந்து சந்தேகத்திற்குரிய எஸ்எம்எஸ் ஏதேனும் வந்தால், உடனடியாக வங்கியின் வாடிக்கையாளர் சேவை ஹெல்ப்லைனுக்கு அல்லது உங்கள் அருகிலுள்ள எஸ்பிஐ கிளையில் புகார் அளிக்கலாம் என தெரிவிக்கப்பட்டுள்ளது .
